វគ្គបណ្តុះបណ្តាល សី្តពី​​សុវត្ថិភាពក្នុងការបើកបរ និង​ច្បាប់ចរាចរណ៏ផ្លូវគោក របស់ក្រុមហ៊ុន អិន ស៊ី អិច សហការណ៍ជាមួយហាងលក់ម៉ូតូហុងដា សុខ ជូ

Jul 14, 2018

នៅព្រឹកថ្ងៃទី០៤ ខែ មិថុនា ឆ្នាំ២០១៨ ហាងលក់ម៉ូតូហុងដា សុខ ជូ ស្ថិតនៅ ខេត្ត កណ្តាល បានសហការគ្នាជាមួយសាលាបង្រៀនបើកបរទោចក្រយានយន្ត អិន ស៊ី អិចហុងដា បានបើក​វគ្គបណ្តុះបណ្តាល សី្តពី​​សុវត្ថិភាពក្នុងការបើកបរ និង​ច្បាប់ចរាចរណ៏ផ្លូវគោក ដល់សិស្សានុសិស្សនៅវិទ្យាល័យ ហ៊ុន សែនថ្នល់ទទឹង នៅក្នុងកម្មវិធីនេះដែរ​ មានសិក្ខាកាមចូលរួមចំនួនជាង ១០៧ នាក់។

ហើយវគ្គបណ្តុះបណ្តាលនេះមានទាំងទ្រឹស្តី និងការអនុវត្តជាក់ស្តែង ដែលធ្វើ​ឪ្យសិក្ខាកា​ម​ចូលរួមងា​យ​យល់​ដឹង អំពីភ្លើង​​សញ្ញាចរាចរ ស្លាកសញ្ញាចរាចរសំខាន់ៗ មួយចំនួន គំនួសសញ្ញា​ និងសិទិ្ធអាទិភាពបើកបរ ដើម្បីបាន​ផ្តល់នូវចំណេះដឹង ក្នុងការចូលរួមក្នុងការកាត់បន្ថយនូវគ្រោះថ្នាក់ចរាចរណ៏ដោយយថាហេតុ។

ហាងលក់ម៉ូតូហុងដា សុខ ជូ ​ក៏បានផ្តល់នូវមួកសុវត្ថិភាព និងប្រេងម៉ាស៊ីន ដល់​សិស្សានុ​សិស្ស​ជាការលើកទឹកចិត្តដល់សិស្សានុសិស្ស ដែលបានពិន្ទុល្អ និងយល់ដឹង ពីសុវត្ថិភាពបើកបរ និងច្បាប់ចចរាចរណ៏។